GJE REISA MEINING
Hos oss kan du finne innhald til reisa di ved å utforske det som er nær oss. Store naturopplevingar, lokale smakar, fiske eller ein utfordrande dukkert i elva. Det er mange grunnar til å legge besøket til Flatheim og Gaularfjellet.
Sykkeltur langs Gaularfjellsvegen
Å nyte naturen frå sykkelsetet er noko heilt eige. Trakk i veg til toppen av Gaularfjellet og utsiktspunktet Utsikten. Stopp gjerne undervegs for å beundre dei mange fjellvatna og fossane. Kanskje tek du ein dukkert og? Heimelaga matpakke smakar godt ved kanten av det verna Gaularvassdraget.
Bade i elva
Eit bad i elva er garantert oppfriskande, ein perfekt start på dagen eller når det måtte passe best for deg. Vi gjer klar badepakke til deg. Med med badehandkle, badekåpe, heimestrikka sokkar og termos med varm drikke, er du sikra ei naturoppleving av dei sjeldne.
Vandring langs fuglestien
Fuglestien «Fuglar i Fosseheimen» er ein naturmøteplass. Her kan du lære om og kanskje få auge på ein del av dei mest vanlege fuglane i vårt område. Vi har laga mange fugleholkar som fuglane kan bygge reir i. Langs stien kan du også få auge på andre dyr, eller du kan ta ein liten pause på ein av rastebenkane våre.
Storefjellet 1182 moh
Turen til Storefjellet med sine 1182 moh startar like ved Flatheim. Med heimelaga matpakke i senkken og gode sko, er belønninga på toppen ei fantastisk utsikt i alle retningar. Turen er 7 km lang, og er T-merka. Anbefalast.
Nasjonal Turistveg Gaularfjellet
Utsikten på Gaularfjellet er eit av dei flotte utsiktspunkta på strekninga. Utsikten ligg på toppen av signinga opp frå Vetlefjorden og storslått utsikt over eit frodig og vakkert landskap. Fylkesveg 613 slyngar seg oppover det blatte fjell-landskapet.
Viksdalen
Fossestien er ein tilrettelagd tursti som går frå Gaularfjellet og nedover langs Gaularvassdraget, først i høgfjellslandskap, seinare gjennom skog og lier, gjennom beitemarker og grender. Turen er lett, den går over 500 høgdemeter, og er tilsamman 21 km og passar for dei fleste. Du kan velge om du vil gå heile eller deler av strekninga, alt etter kva som passar deg.
Balestand
Besøk Ciderhuset i Balestrand. I Ciderhuset kan du få kjøpt og smakt på mange ulike sortar lokal fruktdrikkar frå Balholm. Pressing og tapping skjer i lokala der det gamle fruktlageret i bygda var, ca 200 meter frå Ciderhuset. I gardsbutikken har dei over 30 sortar lokalproduserte variantar. Vi anbefalar og å besøke gardsrestauranten, der ein får lokale smakar med ein eigen vri.
Gamle Strynefjellsvegen
Jøl bru ligg på oppstingninga frå Hjelledalen til Strynefjellet. Etter at Strynefjellsvegen vart gjort til heilårsveg på slutten av 70-talet, vart brua erstatta av ei ny, og den gamle er kanskje litt vanskeleg å sjå i forbifarten. Men tek du ein stopp, og går ut av bilen, kan du nyte stor vegkunst. Brua frå 1883 er imponerande og juvet den går over er spektakulert i seg sjølv.
