STOLTHEIT OG ARV

GARDEN

Vi er stolte over historia vår, og over å ha ført vidare bedrifta som besteforeldra til Heidi starta i 1949. Arven frå tida då Selma og Jens dreiv Hoff Pensjonat og bensinstasjon.

Økoturismebedrift

Å reise meir berekraftig, er måten å reise på i framtida. Det er verdiar som Flatheim tek på alvor, og i januar 2020 blei vi det første økoturisme-reisemål i Vestland fylke. Vi tilbyr berekraftige reiselivsprodukt og er sertifisert som norsk økoturismebedrift.

STOLTHEIT OG ARV

GARDEN

Vi er stolte over historia vår, og over å ha ført vidare bedrifta som besteforeldra til Heidi starta i 1949. Arven frå tida då Selma og Jens dreiv Hoff Pensjonat og bensinstasjon.

Økoturismebedrift

Å reise meir berekraftig, er måten å reise på i framtida. Det er verdiar som Flatheim tek på alvor, og i januar 2020 blei vi det første økoturisme-reisemål i Vestland fylke. Vi tilbyr berekraftige reiselivsprodukt og er sertifisert som norsk økoturismebedrift.

Vertskap

Heidi Vallestad og Sigurd Årskaug tek godt imot dei som besøker Flatheim. Heidi har vakse opp på garden, mens Sigurd har vakse opp i nabobygda. Sidan 2005 har vi på nytt ønska gjester velkommen til gards under namnet Flatheim, som er gardsnavnet.

Generasjonar

Garden har historie tilbake til 1949, då det blei eit eige bruk. Heilt frå starten har det vore drive turisme i kombinasjon med tradisjonell gardsdrift. Det er no 3. generasjon som driv Flatheim.

Butikk & Bensinstasjon

Den vesle bensinstasjonen som blei bygd i 1963, er restaurert. Her kan det gjester og forbipassertande få kjøpe interiørskattar, lokale produkt, is og kaffi.

Blomsterhagen

Vi er stolte av hagen vår. Bestemor sin gamle hage, med ei fin blanding av nytte-og prydvekstar. I hagen er det mange fine pauseplassar, der det kan nytast ein caffe-latte, eller kanskje ei god bok. Friske blomster finn du «overalt» i husa våre, og av og til også som pynt på ei kake eller ein dessert.

Nostalgikjellaren

Vi på Flatheim er glade i gamle ting og historiar. I kjellaren på hovudhuset finn du ei fin blanding av gamle og litt nyare gjenstandar som vi har teke vare på, og som kan gje rom for mimring.

Sommarkafe

Om sommaren inviterer vi bygdefolk og turistar til sommarkafe. Då diskar vi opp med god, heimelaga bakst og syns det er kjekt med liv og røre i tunet.

Stamp

Den vedfyrte stampen er den perfekte kvileplassen. Stampen ligg heilt på kanten av Gaularvassdraget med panoramautsikt mot fjella som omkransar dalen.

Gode senger, elvebrus og hanegal

Opplev det ekte norske.
På gardsmåten.